မြို့လှမြို့ သည် မြန်မာနိုင်ငံ၊ ပဲခူးတိုင်းဒေသကြီးအရှေ့ခြမ်း၊ တောင်ငူခရိုင်၊ ရေတာရှည်မြို့နယ်ရှိ မြို့တစ်မြို့ ဖြစ်သည်။ ရန်ကုန်မန္တလေးကားလမ်းမပေါ်တွင် တည်ရှိသည်။ ယခင်က ရေတာရှည်မြို့နယ်ရှိ ရွာတစ်ရွာဖြစ်ပြီး ၂၀၁၆ ခုနှစ် မတ်လ ၂၄ ရက်နေ့တွင် ပြည်ထဲရေးဝန်ကြီးဌာန၏ အမိန့်ကြော်ငြာစာအမှတ် ၉၆၁/၂၀၁၆ ဖြင့် ကျေးရွာ ၁၁ ရွာပါဝင်သော မြို့လှကျေးရွာအုပ်စုနှင့် ကျေးရွာ ၆ ရွာပါဝင်သော ငွေတောင်ကျေးရွာအုပ်စုတို့အား ရပ်ကွက် ၅ ခုပါသော မြို့လှမြို့အဖြစ် ပြင်ဆင်သတ်မှတ်ခဲ့သည်။